22.狼行尖東 (第2/11页)

    理由好蹩腳，2-3月漁業淡季，幾家破寮食肆恨不能銷光養殖貨，哪輪得到吃現捕生猛種。

    朗青嗤嗤勾起唇，故意撩人：「哦，係專登請埋我一齊啊？嚟得唔係咁啱，不過如果係喺度住幾日嘅話，元宵我都可以帶你去食濱燒嘅。」

    她深呼吸，惱自己這張膠嘴拙笨，謊都能扯成方的，編假話要是納入學科，一定拿個醒目的E。

    「話時話，點解會知道我喺呢度？」

    只好兜彎承認：「去咗轉新悅聲，亞豪話我知你將接咗手嘅場全部交晒畀福生，如果唔係喺油塘就係喺海度。」

    「睇嚟為咗刮我都嘥咗你唔少時間。」朗青口咧三分，樂她不打自招。

    「嗰兩間club一個月假假哋都有成十幾皮嘢，咁多着數轉手唔係好蝕咩？」

    「我唔賣粉?，田壽輝D場，驚接手都起唔到身咋。」喝空剩餘啤酒，他摩挲指腹：「成日打生打死搵錢，不如擺撚低把青，帶住D細喺度呃兩餐飯食好過。」

    阿羽的嘴角随細浪顛簸住家艇的节奏柔緩伏蕩，凹顯梨渦，輕上眉梢，淺笑分解得一波三折：「所以話可以搵到你係我好彩，我唔識游水，落海就浸死。」

    「唔好咁講，山水有相逢，搵我又唔係搵神仙。」

    「如果神仙有用，我都唔使嚟麻煩青哥。」

    如他所料，帶不明不白的校衫仔前來，九成九百分百找他兌現隨口一噏的幫忙承諾。

    「講啦，咩事？」

    對叠毛詩滑出黑皮褸虚掩的曼妙，落桌推呈朗青碗邊。

    有意思，見慣撈女換條仔朝三暮四，頭一回見飛女拜大佬朝秦暮楚，堪比港島古惑界呂奉先。

    比達白花油聯想到久違的吸新血開香堂，娘柄則不同頻，阿羽掏利是動作如此裁行雲剪流水，在他腦中反復演繹。

    「無事三百六，有事三千六，今次我唔係嚟拜山，只係想請青哥幫手刮個人。」

    朗青怔愣回神，緩慢交迭雙臂，虬實筋肉勾絞強勁荷爾蒙，掛住微笑意不可明，剎那烘熱對方耳垂。

    「家陣人哋都話我朗青回晒塘，做個蜑家佬冇厘火氣咁，論power論叠馬，我邊有得同其他大阿哥揮...你過咗東星嗰瓣泊烏鴉碼頭，刮人呢啲嘢，搵佢咪得囉？」

    婉拒脫口而出，降格自嘲還明抬暗諷，事先預計最糟糕的結果比想像難堪，指她舊年言行不一，趨炎附勢，回敬響亮巴掌。

    一切誤會無從解釋，車裏三句起兩句止的攀談構不成交情，朗青保她這位名義上的「反骨仔」不被追究，是他仁至義盡，她怎敢盲目到訪，扔幾張濕碎錢就理直氣壯？