19.九冬火夜（H） (第6/12页)

/br>
    上了二樓，一大班熟悉的細靚面孔出現，一聲聲老大總算讓阿羽還沒忘記陳天雄東星五虎的身份。

    大佬和女人靠得那麼近，八卦猜測成為現實，肥屍、飛仔樂、亞傑等好事者紛擁起哄。

    「哇，小拳王，一排無見，我都爭D認唔到你啊~」

    「我都話過?啦，佢同阿大一定係...嘿嘿~」

    肥屍杵杵飛仔樂腦門：「豬頭炳，得閒update下個死人腦，而家小拳王係我哋阿嫂嚟?！」

    「係啦係啦，阿嫂，喂，叫阿嫂啊！」

    「阿嫂！」

    齊刷刷異口同聲，阿羽窘蹙急眼：「你...你哋唔準亂嗌！」

    烏鴉不置一詞，渾然受用無窮，認定了細靚們的稱呼，存心眾目昭昭下摟抱她，激起吹哨呼喝不斷，與底樓看客嘈將一團。

    遠處龍睿倚靠欄桿，吸煙靜靜觀察，笑而不語，待天雄哥繑實扭捏的Raven過來，他遞了支Lucky   Strike：「又遲兩粒幾鐘...整口漒先。」

    「好彩~」烏鴉翻轉煙，倒拋入嘴夾住：「轉咗taste啊？做乜情人節都唔整件靚女嚟陪你？」

    Ray彈開芝寶蓋為他點火，掂在手中玩起tricks：「你以為香港D女仔咁容易溝啊？個個都好似Raven咁咩...」

    前晚暢聊至天明的娉婷啤酒妹Callen沒有聯絡過他，未免懷疑起自身魅力...

    「喺荷蘭嗰陣，你唔係講同美國嗰Heather訂咗婚啦咩？我仲以為你拉埋天窗添...掟煲嘞？」

    「掟煲唔掟蓋...」

    老死默契接梗：「得閒做下愛？」

    兩大型男相視，心照不宣爽朗大笑，烏鴉捶打他的肩：「睇嘢啦衰仔。」

    條仔與老細的對話聽來沒半點正經，阿羽直覺環境有恙，也不明他們葫蘆裏賣得什麼藥，當即托腮望向一樓。

    籠裏對抗的鬥士揮舞拳套，相互一左一右快攻，側閃回避，采取鉚釘式戰術貼抱，裁判大喊「分開」，其中一名甩開對手，左腿虛探，膝蓋略彎，弓身聳肩護頸，骨骼迅速張弛，看準對手平衡擺動期細微破綻，上前刺探突破，右手直拳俯沖，封堵慢了半拍，擊中下巴打得另一名倒退多步。

    「Taco仔！好嘢！」

    「我鐘意你啊Taco~加油！」

    「啊啊～Taco你真係冧巴溫~」

    在場大群女觀眾爆谷一樣蹦跳，高喊癡喚占了上風的拳