19.九冬火夜（H） (第4/12页)

，兩手一攤，轉為嬉皮笑臉應付：「哇~阿Sir，你管交通仲管埋人哋拍拖？Kiss都唔得？」

    「我費事管你做大戲，總之嗱嗱啉走，如果唔係就開張牛肉乾俾你。」差佬是個四眼，生得茂裏木嘴樣，說話頗恃住有份與外表不相稱的信心架勢。

    「開啫~你以為幾百蚊張牛肉乾我鯁唔落？」

    「有錢唔係大晒！違例影響交通係咪你唔啱？最後警告，咪話我唔俾機會你，再唔走我就拖走你架車！」

    烏鴉脾氣沖將上頭，非得夾硬來：「超，扮大支嘢蝦D一等良民吖嘛，車我就擺響度，夠薑你咪拖囉。」

    四眼差佬提高嗓門，用警棍指着他：「眼斬斬咁唔認得我？」

    「點嘛？乜你一個白鮓都要響朵？你邊撚位啊？」

    「我就係上過周刊封面，靚坤都俾我拉低嘅灣仔槍神！」小小差人瞪圓綠豆眼，像是練習了無數遍的臺詞脫口而出，百試不爽。

    烏鴉剎那啞火，難怪...洪興，靚坤，灣仔槍神...一槍擊斃黑幫大佬，威名遠揚，那段時間霸佔了報紙新聞頭條。

    「Sorry阿Sir，我哋而家就走。」阿羽扯扯男人衣袖，鳳眼含着「咪攪大鑊」的請求。

    「嗱，你女朋友就識做啦，我唔同你哋計，總之一分鐘之後我唔想再看到你架車！」

    「走咪走囉~呼呼喝喝~」

    上車啟動，他不忿巢偏要使壞，故意踩爆油門揚長而去，留灣仔槍神吸足一串尾氣捂鼻乾咳...

    佐敦茂林街巷口，狹窄小道四圍泊滿了車，藍底紅白字的百年招牌「太平館飡廳」釘頭磷磷掛嵌於矮樓，情人節客流多於往常。

    啡色軟椅與木紋墻板相得益彰，燈光朧黃曖昧，一派粵西結合的復古風華。

    各桌食客喁喁私語，傳出嘈嘈切切刀叉聲，阿羽正在吃叫做「獨自去偷歡」單人餐裡的沙律，來得不湊巧，節日特供的「比翼雙飛」、「戀愛大過天」等雙人套已早早售罄...

    舌如輕羅點掃余留嘴角的醬汁勾轉收回，無意識翳住的下唇，較紅酒牛脷更顯秀色可口，烏鴉看得目光流眄，捏了一把口袋裡的Marlboro煙盒，才想起no   smoking   here。

    「Where   do   I   begin?   To   tell   the   story   of   how   great   a   love   can   be...」

    餐廳正播放許冠傑70年「雙星報喜」中的古早情歌「Love   St